13 және 14 қыркүйекте «Астана Арена» стадионында Димаш Құдайберген өнер көрсетеді. Көрермендерге ыңғайлы болу үшін концерт өтетін орынға арнайы автобустар ұйымдастырылады, – деп хабарлады Aikyn.kz елорда әкімдігіне сілтеме жасап.
Көрермендердің қауіпсіздігі мен жайлылығын қамтамасыз ету, сондай-ақ жол кептелісін болдырмау мақсатында автобустар бірнеше орыннан аттанатын болады. Нақтырақ айтқанда:
1. Салтанат Сарайы;
2. «Әзірет Сұлтан» мешіті;
3. Бас мешіт.
Іс-шара өтетін орынға жеке көлікпен кіруге тыйым салынады. Арнайы автобустармен жол жүру концерт билетін көрсеткен кезде ғана мүмкін болады.
Автобустар сағат 17.00-ден бастап қатынайтын болады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.