Алматы қаласындағы пәтерлердің бірінен шетелдік азаматтың мәйіті табылды. Бұл туралы ақпарат әлеуметтік желіде тарады, – деп хабарлайды Aikyn.kz.
CMN.KZ Telegram-арнасының мәліметінше, Әуезов ауданындағы пәтерде 50 жастағы Ресей азаматының бөлшектелген мәйіті табылған. Аталған деректі Алматы қалалық Полиция департаменті растады. Күдікті ретінде онымен бірге тұрған әйел ұсталды.
– Бұл дерек бойынша Әуезов аудандық Полиция басқармасы қылмыстық іс қозғады.
Күдікті ұсталып, уақытша ұстау изоляторына қамалды. Басқа мән-жайлар анықталып жатыр, – деп хабарлады қалалық ПД баспасөз қызметі.