Күләш Құнантаева – Қазақстан әйелдерінің ішінен шыққан тұңғыш педагогика ғылымдарының докторы, академик. Іс-шарада профессордың құрметіне оқу ғимараты беріліп, «Қазақстандағы білім саласында әйелдердің рөлі» тақырыбында конференция өткізілді. Конференция аясында ғалымның өмірі мен ғылыми қызметі жөнінде баяндама жасалды.
Педагогика ғылымдарының докторы, Л.Гумилев атындағы Еуразия ұлттық университеті профессоры Перизат Байтешқызы ғалым туралы естеліктерімен бөлісіп, оның ұстаздық жылы туралы баяндады.
Сондай-ақ іс-шара барысында Қазақстан Республикасының Ұлттық ғылым академиясының және Педагогика ғылым академиясының құрметті академигінің жетістіктері, фотосуреттері, құжаттары мен ғылыми жұмыстары ұсынылатын көрме ұйымдастырылды. Университет ректоры Гүлмира Қанай Күләш Құнантайқызының қазақ әйелдерінің жоғары білім алуы жолында сіңірген еңбегі зор екенін атап өтті.
Шара соңында жекеменшік медициналық орталық атынан 4 студентке 3 миллион теңге көлемінде Күләш Құнантайқызы атындағы грант берілді.
С.БЕГІМБАЙ