Қазақстандық танымал тележүргізуші Дина Төлепберген желіде Мақпал Жүнісоваға жазба арнады. БАҚ өкілі өнер иесінен сұхбат алғаннан кейін оның дана тұлға екеніне екі есе көзі жеткенін айтты, – деп хабарлайды Aikyn.kz.
Дина Төлепберген Instagram-дағы парақшасында Мақпал Жүнісовадан сұхбат алып жатқан сәтінен үзінді жариялады. Бейнежазбада тележүргізуші әншіден үш есімді атауын өтінген. Эстрада жұлдызы бірінші қызы Мерейдің, одан кейін анасы Үміт пен бауыры Бағдаттың есімін айтқан.
"Мұның өз ақиқаты бар. Демек, сіздің өміріңізде қазір бірінші орында Мерей тұр. Одан кейін сіз анаңыз үшін уайымдайсыз. Үшіншісі сіздің өміріңіздегі елеулі адам бауырыңыз. Енді "Мақпал қайда?" деген сұрақ. Неге бірінші Мақпал айтылмайды", – деп сұрақ қойды БАҚ өкілі. Дина Төлепберген бұл сұхбаттан кейін өнер иесіне деген құрметі одан сайын өскенін жасырмады.
"Тағдыры бар ешкімге ұқсамайтын. Мақпал ханымның бұл жетістігінің артында өмірде сан түрлі сынақтардан өткен әйелдің тарихы тұр. Оның ішкі жан-дүниесіне терең үңіліп, дана, дара екеніне екі есе көзім жетті. Соңғы жағдайларына байланысты жан-жарасын жаңа әнімен студияда жеткізді", – деп жазды тележүргізуші.
Сараптама, зерттеу мақала, күнделікті өзекті ақпаратты «Айқынның» Тelegram арнасынан таба аласыз.