Алматыда экскаватор мопед мінген 16 жастағы оқушыны қағып өлтірді, – деп хабарлайды Aikyn.kz қалалық Полиция департаментіне сілтеме жасап.
Қайғылы оқиға бүгін, 24 қазанда таңғы сағат 08:10-да «Алғабас» ықшамауданы, Доспанов көшесінде болған.
Полицияның мәліметінше, жасөспірім мопедпен солтүстік бағытта келе жатып, жолда «Шевроле» көлігімен соқтығысқан. Соның әсерінен мопед аударылып, жол жиегіне құлаған. Ал кейін соқтығыс салдарынан жол жиегіне құлаған мопедтің 16 жастағы жолаушысын экскаватор қағып кетті.
Өкінішке қарай, оқушы алған жарақатынан оқиға орнында көз жұмды. Қазір аталған дерек бойынша сотқа дейінгі тергеу басталды.