Олимпиада чемпионы Данияр Елеусінов (12-0, 7 КО) жартылай орта салмақта (66,7 келіге дейін) WBC чемпионы америкалық Марио Барриосты ((29-2-1, 18 КО) жекпе-жекке шақырды, – деп хабарлайды Aikyn.kz.
Қазақстандық боксшы өзінің Instagram-дағы парақшасында арнайы жазба жариялады.
– Өткен демалыста WBC нұсқасы бойынша әлем чемпионы Марио Барриостың әлсіз өнерін көрдім. Абель Рамоспен тең түсті, сонымен қатар ол жекпе-жектің ортасында нокдаун алды. Марио, мен сені жеңіп шығатыныма сенімдімін. Кел, жұдырықтасайық. Кез келген жерде, кез келген уақытта. Олимпиада чемпионы мен WBC чемпионы. Кел, жанкүйерлерімізге нағыз шоу көрсетейік! - деп жазды ол.
Данияр Елеусінов қыркүйек айында Алматыда жекпе-жек өткізіп, филиппиндік Джо Нойнайды (23-5-2, 11 КО) бесінші раундта уақытынан бұрын жеңіп шыққан еді. Бұл жеңіс қазақ боксшысына WBC Peace нұсқасы бойынша екінші дәрежелі чемпион атағын иеленуге және BoxRec рейтингінің ТОП-15-не енуге мүмкіндік берді.