Алматыда қоғамдық көлік пен пойыз соқтығысып, алты жолаушы жарақат алды, – деп хабарлайды Аikyn.kz сайты Kazinform-ға сілтеме жасап.
Жол-көлік оқиғасы сағат 11:40-та Алмалы ауданында болған. Алматы қаласы Полиция департаментінің мәліметіне сәйкес, № 88 автобус Әуезов көшесімен солтүстік бағытта келе жатып, тепловозға соқтығысқан.
– Жеке тасымалдаушыға тиесілі № 88 автобус Әуезов көшесімен солтүстік бағытта келе жатып, Гоголь көшесінің солтүстігінде батысқа қарай теміржолмен келе жатқан тепловозбен соқтығысты. Жол апаты салдарынан қоғамдық көліктің 6 жолаушысы зардап шекті. Оларға медициналық көмек көрсетілді. Оқиғаның басқа да мән-жайы анықталып жатыр, – деп хабарлады қалалық ПД баспасөз қызметі.