18 желтоқсан күні Қырғызстанда Министрлер кабинетінің жаңа төрағасы қызметіне Әділбек Қасымалиев тағайындалды, – деп хабарлайды Aikyn.kz.
Тиісті жарлыққа Қырғызстан президенті Садыр Жапаров қол қойды.
24.kg мәліметінше, бұған дейін Жогорку Кенеш Министрлер кабинетінің төрағасы ретінде Әділбек Қасымалиевті, оның бірінші орынбасары Данияр Амангелдиевті және экономика және коммерция министрі Бақыт Сыдықовты тағайындауға келісім берген.
Әділбек Қасымалиев Министрлер кабинетінің экс-төрағасы Ақылбек Жапаровтың бірінші орынбасары болған.
Еске сала кетейік, 16 желтоқсан күні Қырғызстанның премьер-министрі Ақылбек Жапаров қызметінен кеткені жөнінде жазған едік.