Маңғыстау облыстық әкімдігінің алдында өзін-өзі өртеп жіберген ер адам ауруханада көз жұмды, – деп хабарлайды Aikyn.kz.
Ақпаратты облыстық аурухананың бас дәрігерінің міндетін атқарушы Руслан Бекібаев растады.
Оның айтуынша, жәбірленуші оқиғадан соң ес жимастан 17 желтоқсан күні таңғы сағат 9-да қайтыс болғанын айтты. Ол 12 күн бойы жансақтау бөлімінде жатты.
– Денесінде 98% термиялық күйік болды. Біз ол ауырсынуды сезінбеу үшін дәрі-дәрмекпен ұйықтаттық. Бірақ содан кейін оның қан қысымы төмендеп, күйіктен шок алып, қайтыс болды, – деді Бекібаев.
Еске сала кетейік, 5 желтоқсан күні маңғыстаулық ер адам облыстық әкімдік алдында өзін өртеп жіберген болатын. Ол облыс әкімінің қабылдауына кірмек болып барған.