"Қалалық көлік жүйелері" компаниясы алдағы демалыс күндері Астанада автобустардың қалай жұмыс істейтінін айтты, – деп хабарлайды Aikyn.kz.
Компания әлеуметтік желідегі парақшасында алдағы мереке күндеріне арналған Астанадағы қоғамдық көліктердің жұмыс кестесін жариялады.
31 желтоқсанда қоғамдық көлік жұмысы өзгеріссіз, бекітілген кестеге сәйкес жүреді.
Мереке күндері қала және қала маңы бағдарлары демалыс күнінің кестесіне сәйкес (сағат 06:00-23:00) жүреді. 1 қаңтар сағат 10:00-ге дейін қалалық бағдарлар бір рейс өткізіп жүреді. Сағат 10:00-ден кейін бекітілген кестеге сәйкес жүреді; экспресс және қала маңы бағдарлары кестеге сәйкес жүреді. 2-4 қаңтар демалыс күнінің кестесі бойынша өзгеріссіз; 5-6 қаңтарда қала және қала маңы бағдарлары жұмыс күнінің кестесіне сәйкес жүреді. 7 қаңтарда демалыс күнінің кестесі бойынша жүреді.
– Келесі күндері қоғамдық көлік қолданыстағы кестеге сәйкес (апта күніне орай) штаттық режимде жүреді. Сапарларыңызды жоспарлау кезінде осы ақпаратты ескеруді сұраймыз!,– делінген ақпаратта.