Ақмола облысы әкімінің өкімімен Нұрбек Бақтыбайұлы Бадырақов Ақмола облысының Ауыл шаруашылығы және жер қатынастары басқармасының басшысы болып тағайындалды, – деп хабарлайды Aikyn.kz порталының тілшісі.
Өңір әкімдігі баспасөз қызметінің мәліметінше, Нұрбек Бадырақов 1988 жылы 11 маусымда Оңтүстік Қазақстан облысында (қазіргі Түркістан облысы) дүниеге келген. М.Әуезов атындағы Оңтүстік Қазақстан мемлекеттік университетін, М.Х.Дулати атындағы Тараз мемлекеттік университетін және Қазақстан халықтар достығы университетін бітірген.
Еңбек жолын 2009 жылы Оңтүстік Қазақстан облысының Ауыл шаруашылығы басқармасында статист болып бастаған. 2010 жылы Оңтүстік Қазақстан облысының Ауыл шаруашылығы басқармасының ауыл шаруашылығы өнімдерін қайта өңдеу және жаңа технологияларды енгізу бөлімінің жетекші маманы болып жұмыс істеген.
2012 жылы Оңтүстік Қазақстан облысының Ауыл шаруашылығы басқармасының егіншілік және су шаруашылығы бөлімінің басшысы, 2013-2015 жылдары Оңтүстік Қазақстан облысының Ауыл шаруашылығы басқармасы басшысының орынбасары қызметтерін атқарды.
– 2016-2017 жылдары «ҚазАгро» ұлттық басқарушы холдингінің еншілес ұйымдарының қызметін талдау және дамыту департаментінде бас менеджер, ҚР Парламенті Мәжілісінде депутат көмекшісі, ҚР Ауыл шаруашылығы министрлігінің Агроөнеркәсіптік кешеніндегі мемлекеттік инспекция комитетінің Оңтүстік Қазақстан облыстық аумақтық инспекциясының басшысы, Шымкент қаласы әкімі аппаратының басшысы болып еңбек етті, – деп толықтырды облыс әкімдігінің баспасөз қызметінен.
2018 жылдың шілдесінен 2022 жылдың шілдесіне дейін Түркістан облысы Ауыл шаруашылығы басқармасының басшысы қызметін атқарды. 2022-2023 жылдары Ордабасы ауданының әкімі болған.
Ақмола облысы Ауыл шаруашылығы басқармасының басшысы қызметіне тағайындалғанға дейін Түркістан облысы Ауыл шаруашылығы басқармасының басшысы қызметін атқарған.
Абзал АЛПЫСБАЙҰЛЫ, Ақмола облысы