Алматыда Черновицкая көшесі, 10 мекенжайында орналасқан үш қабатты үй бұзылып жатыр, – деп хабарлайды Aikyn.kz сайты Қала құрылысын бақылау басқармасына сілтеме жасап.
Меншік иесі (жеке тұлға) құрылысқа рұқсат құжаттарынсыз кіріскен – СЖТ, эскиздік жоба келісімі, жоба сараптамасы және құрылыс-монтаж жұмыстарының басталғаны туралы хабарлама болмаған.
Тұрғынның өтініші бойынша жоспардан тыс тексеріс нәтижесінде меншік иесіне қатысты әкімшілік шаралар қабылданды.
– Кейін Алматы қаласының Жетісу аудандық соты басқарманың талап-арызы негізінде 2023 жылы 7 қыркүйекте заңсыз салынған үш қабатты тұрғын үйді бұзу туралы шешім шығарды.
Нысан меншік иесінің ерікті түрде, сот орындаушыларының қатысуымен бұзылып жатыр, – делінген хабарламада.