Мәжіліс Спикері Ерлан Қошановтың төрағалығымен бюро отырысы өтіп, алдағы жалпы отырыстың күн тәртібі нақтыланды.
Азаматтық қорғау туралы заң жобасын қарайды
229
оқылды

Депутаттар бірінші оқылымда аза­маттық қорғау мәселелері бойынша заң­намалық түзетулерді қарайтын болады. Ұсынылған нормалар азаматтық қорғау органдары қызметкерлерінің әлеуметтік мәртебесін көтеруге, адамдар көп жинала­тын нысан­дарды пайдалануға беру кезінде өрт қауіп­сіздігін бақылауды қайтаруға бағытталған. Сондай-ақ қауіпті өндірістік объектілерді жаңғырту және техникалық қайта жарақ­тандырудың жиынтық жос­парын келісу, сейсмикалық қауіпсіздікті қамтамасыз ету нормаларын анықтау көзделген.

Жалпы отырыстың күн тәртібіне Қазақ­стан мен Өзбекстан үкіметтері арасындағы «Орталық Азия» халықаралық өнеркәсіптік кооперация орталығының қызметін реттеу туралы келісімді рати­фикациялау туралы заң жобасы да ен­гізілді. Құжат өндіріс пен кәсіпкерлікті қолдау және дамыту саласын­дағы ынтымақтастықты арттыруға, отан­дық тауарлар мен қызметтердің экспорттық әлеуетін арттыруға, инвестиция тартуға және жалпы Қазақстан мен Өзбекстан арасындағы сауда-экономикалық қаты­нас­тарды жақсартуға бағытталған.

Сондай-ақ палата «Жасанды интеллект туралы», «Топырақ қорғау туралы» жаңа заң жобаларын, көмірсутектер мен уран саласындағы жер қойнауын пайдалануды жетілдіру мәселелері бойынша «Жер қойнауы және жер қойнауын пайдалану туралы» кодекске енгізілетін заңнамалық түзетулерді, Қазақстан–Өзбекстан мем­лекеттік шекарасының режимі туралы заң жобаларын жұмысқа алады.