Өзбекстанда кітап оқыған тұтқынның жаза мерзімі қысқаруы мүмкін, – деп хабарлайды Аikyn.kz
"Қазақстан" телеарнасы тілшісінің мәліметінше, тиісті заң жобасы Олий Мәжілісте талқыланды. Депутаттардың пікірінше, сотталғандардың кітап оқуы моральдық тұрғыда түзелуіне ықпал етеді.
Мұндай бастама жеміс беруі үшін Қылмыстық кодекске жаңа бап енгізілмек. Сотталғандардың оқуына болатын әдебиеттер тізімін республикалық рухани-ағарту орталығы бекітеді.
Жазасын өтеуші 1 кітапты оқып, одан емтихан тапсырса, түрмедегі мерзімі 3 тәулікке қысқаруы мүмкін. Әр тұтқын жылына 10 кітапқа дейін оқи алады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз