Малидің батысындағы Кайес аймағында заңсыз алтын кеніші опырылып, кемінде 48 адам қаза тапты, – деп хабарлайды Aikyn.kz Almaty.tv арнасына сілтеме жасап.
Xinhua агенттігі хабарлағандай, қайғылы оқиға Кениба ауданында болған. Алдын ала мәлімет бойынша, экскаватор заңсыз алтын өндірумен айналысқан әйелдер тобының үстіне құлаған. Салдарынан кемінде 48 адам көз жұмып, 10 шақты адам ауыр жарақатпен ауруханаға жеткізілген.
«Кейбір дереккөздер 50-ден астам адамның қаза болғанын хабарлады. Дегенмен жарақаттардың ауырлығына байланысты бұл сан өзгеруі мүмкін», – делінген хабарламада.
Қазір оқиға орнында құтқару жұмыстары жалғасуда.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.