Германияда бүгін, 23 ақпанда, мерзімінен бұрын Бундестаг сайлауы өтіп жатыр, – деп хабарлайды Аikyn.kz Бұл шешім канцлер Олаф Шольцтің парламенттегі сенім вотумынан айырылуына байланысты қабылданған болатын.
dw.com сайтының мәліметінше, сайлауға 61 миллионнан астам азамат қатысуға құқылы.
Сайлауалды сауалнамаларға сәйкес, негізгі үміткерлер қатарында қазіргі канцлер, «Социал-демократиялық партия» өкілі Олаф Шольц, «Христиан-демократиялық одақтан» Фридрих Мерц және «Германия үшін альтернатива» партиясынан Алис Вайдель бар. Сайлау нәтижелері Германияның ішкі және сыртқы саясатына, соның ішінде Қазақстанмен қарым-қатынасына әсер етуі мүмкін.
Германия президенті Франк-Вальтер Штайнмайер сайлау алдында халыққа үндеу жасап, елге мәселелерді шеше алатын үкімет қажет екенін атап өтті. Сайлаудың түпкілікті нәтижелері жақын күндері жарияланады деп күтілуде.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз