Мемлекет басшысы Қасым-Жомарт Тоқаев Өнеркәсіп және құрылыс министрін жаңадан тағайындады, - деп хабарлайды Aikyn.kz.
Бұл туралы Ақорданың баспасөз қызметі мәлімдеді.
- Мемлекет басшысының Жарлығымен Ерсайын Қайырғазыұлы Нағаспаев Қазақстан Республикасының Өнеркәсіп және құрылыс министрі лауазымына тағайындалды, - деп жазылған ресми ақпаратта.
1980 жылы Қарағанды қаласында дүниеге келген.
Е.Бөкетов атындағы Қарағанды мемлекеттік университетін "Халықаралық экономикалық қатынастар" мамандығы бойынша тәмамдаған.
Қызмет жолын 2001 жылы Теміртау қаласы әкімі аппаратының жетекші маманы болып бастады. Осы жылдар ішінде Инвестициялар комитетінің атташесі және Қазақстан Республикасы Сыртқы істер министрлігінің атташесі қызметтерін атқарды;
Қазақстан Республикасы Көлік және коммуникация министрлігі Көлік саясаты және халықаралық ынтымақтастық департаментінің департамент басшысы, директорының орынбасары;
Қазақстан Республикасы Көлік және коммуникация министрлігі Әкімшілік жұмыс және қоғамдық жұмыс және мемлекеттік сатып алу департаменті директорының орынбасары болып жұмыс істеген.
2009 жылы Қазақстан Республикасы Премьер-Министрі орынбасарының кеңесшісі қызметін атқарды.
Қарағанды қаласы Қазабек би ауданы әкімінің орынбасары, Қарағанды облысы әкімінің кеңесшісі болған.
2011 жылғы қаңтардан 2013 жылғы қаңтарға дейін – Қарағанды облысы Шахтинск қаласының әкімі.
2013 жылғы қаңтардан 2014 жылғы қарашаға дейін – Астана қаласы әкімінің орынбасары.
"СПК Астана" АҚ басқарма төрағасы (12.2014-2016 ж.) "Новострой Астана" ЖШС директорының стратегиялық даму жөніндегі орынбасары (2016-2020 ж.ж.) "ҚТЖ" ҰК" АҚ сатып алу жөніндегі басқарушы директоры (04.2021-01.2022).
2022 жылдың қаңтарынан – "ҚТЖ" ҰК" АҚ жаңа жобалар жөніндегі басқарушы директоры м.а. болып қызмет атқарды.
Бұған дейін Өнеркәсіп және құрылыс министрі болған Қанат Шарлапаев Президенттің экономикалық мәселелер жөніндегі көмекшісі болып тағайындалды.