Рамазан мен Песах мейрамында уақытша бітімге келу ұсынылды.
Израиль Рамазан айында соғыс қимылдарын тоқтатуға дайын
584
оқылды

Израиль АҚШ-тың бастамасын қолдап, Рамазан және Песах мейрамы кезінде ХАМАС-пен уақытша атысты тоқтатуға алдын ала келісімін берді. Бұл шешім премьер-министр Беньямин Нетаньяхудың төрағалығымен өткен төрт сағаттық үкімет отырысында қабылданды, деп хабарлайды Aikyn.kz The Times of Israel басылымына сілтеме жасап.

Ұсынылған жоспарға сәйкес, атысты тоқтату кепілге алынған адамдарды кезең-кезеңімен босатумен қатар жүреді.

«Бірінші күні ХАМАС тұтқындардың жартысын – тірі және қаза тапқандарды – Израильге тапсыруы тиіс. Қалғандары қосымша келіссөздерден кейін босатылуы мүмкін. Алайда ХАМАС басшылығы бұл ұсынысқа әлі нақты жауап берген жоқ», – делінген Израиль үкіметінің мәлімдемесінде.

Нетаньяху кеңсесі егер ХАМАС бұл шарттарды қабылдаса, Израиль келісімнің егжей-тегжейлерін пысықтауға дереу кірісетінін мәлімдеді. Керісінше жағдайда, Газа секторындағы әскери операциялар жалғасады.

Сараптама, зерттеу мақала, күнделікті өзекті ақпаратты «Айқынның»TELEGRAM арнасынан табасыз.