Өңірдің бірқатар аумағындағы күре жолдар ақтүтек боранға байланысты жабылған.
Ақмолада 700 автокөлік кептелісте қалған
Фото: Автордан
820
оқылды

Ақмола облысында ауа райының қолайсыз жағдайларына байланысты жолда 700-ден астам көлік кептелісінде қалып қойған, – деп хабарлайды  Aikyn.kz порталының тілшісі. 

Көліктерді түнгі үшке дейін кезекшілікте тұрған тәртіп сақшылары коллонамен шығарып салуға мәжбүр болған. 

Алайда, полицияның мәліметінше, мерекеден кейін көліктердің көп жүруіне байланысты түнгі үшке дейін дамылсыз кезекшілік атқаруға мәжбүр болыпты. Полиция қозғалыс қауіпсіздігін қамтамасыз етіп, бірқатар жүргізушілерге қажетті көмек көрсеткен. 

- Ауа райы жағдайы аса қиын түк көрінбейтін боран болғандықтан қозғалысты ұйымдастыру үшін 49 қызметкерден тұратын патрульді полиция мен 20 қызметтік автокөліктер жұмылдырылды. Көлік кептілісі туындағандықтан колонна түзіп Щучинск қаласынан Астанаға дейін және кері қарай жеткізіп салуға шешім қабылданды. Жалпы саны 700-ге жуық оның ішінде 500 жеңіл көлік пен 200 жүк көлігі діттеген бағытына аман-есен жетті, – дейді полицияның баспасөз қызметінен. 

Полиция ауа райы нашарлаған тұста жолға шықпай, жол жабылғаны туралы ескертпелерді елеусіз қалдырмауды сұрайды. 

Абзал АЛПЫСБАЙҰЛЫ, Ақмола облысы

Сараптама, зерттеу мақала, күнделікті өзекті ақпаратты «Айқынның»  Telegram  арнасынан таба аласыз.