Наурызкөже – жаңару мен көктемнің оянуын бейнелейтін дәстүрлі мерекелік тағам. Оны дайындау тәсілдері де әртүрлі. Осы орайда Ұлттық статистика бюросы наурызкөжеге қосылатын негізгі өнімдердің бағасына қатысты мәліметті жариялады, - деп хабарлайды Aikyn.kz.
1 литр айранның орташа бағасы (2,5%) 446 теңгені құрайды.
Бұл тағамда қолданылатын тағы бір маңызды өнім – сүт (2,5%), оның бағасы литріне орташа есеппен 413 теңгеге тең.
Арпа жармасы бір кг үшін орташа есеппен 399 теңгені құрайды, еліміз бойынша оның ең төменгі бағасы Көкшетау (283 теңге) қаласында тіркелген.
Күрішке келетін болсақ, оның орташа бағасы келісіне 639 теңге, оның ең арзан бағасы Шымкентте — 535 теңге.
Тағы бір маңызды ингредиенттің бірі – жылқы еті, оның бір келісі шамамен 3 098 теңге.
Қазақстан бойынша тұздың орташа бағасы 76 теңге/кг.
Сондай-ақ тағамға құрт қосылады, ал әр аймақтың ерекшелігіне қарай тағы маш, өрік немесе кеспе қосылуы мүмкін.
Бұған дейін наурызкөженің адам ағзасына қандай пайдасы бар екені жөнінде жазған едік.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.