Елордада боулингтен турнир өтті. Астана қаласы мүгедек жастар қоғамы ұйым­дастырған «Наурыз-2025» іс-шарасына қатысушылар шеберліктерін көрсетті.
Ерекше жандардың сайысы
289
оқылды

«Мүгедек жастар қоғамы» төрағасы орынбасарының айтуынша, турнир биыл екінші жыл ұйымдас­тырылды. Астана қаласынан 6 команда қатысып, өздерінің шеберлігін сынады.

«Әкімдіктің қолдауымен, демеуші азаматтардың көмегімен жеңіске жеткен, жүлдегер атанған қатысушыларға бағалы сыйлықтар берілді. Біздің ұйым осындай спорттық сайыстарды өткізу арқылы да ерекше жандардың ортадан саяқтанып, шеттеп қалмауына, саламатты өмір салтын насихаттауға себепкер болады. Турнирге келген жастар өзара шүйіркелеседі, араласатын ортасы кеңейеді. Сондықтан сайысқа қатысудың өзі зор мәртебе», – дейді  «Мүгедек жас­тар қоғамы» төрағасының орынбасары Тәуекел Наурызбаев.

Спорттық сайыстар алдағы уақытта да жалғасын таппақ.