АҚШ-тың президенті Дональд Трамп 2019 жылы Иранға жасырын түрде хат жолдап, ядролық бағдарламаға қатысты тікелей келіссөз жүргізуді ұсынған, – деп хабарлайды Aikyn.kz
NBC News-тің хабарлауынша, Иран билігі бұл ұсынысты қабылдамай, келіссөзден бас тартқан.
Хаттың мақсаты – Трамп әкімшілігінің 2018 жылы Иранмен жасалған ядролық келісімнен (JCPOA) біржақты шығып кеткеннен кейін туындаған шиеленісті бәсеңдету және жаңа келісімге қол жеткізу болған. Бірақ Иран тарапы АҚШ-қа сенбейтінін мәлімдеп, диалог бастауға дайын емес екенін жеткізген.
Иранның сол кездегі шешімі екі ел арасындағы дипломатиялық байланыстардың күрделене түскенін көрсетті. АҚШ тарапынан жасалған бұл ұсыныс алғаш рет жарияланып отыр.
Сарапшылардың пікірінше, бұл оқиға Трамп әкімшілігінің Иранмен қарым-қатынасын жақсартуға деген құпия әрекеттері болғанын және оның сәтсіз аяқталғанын дәлелдейді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз