Ақмола облысына қарасты Ақкөл ауданы Еңбек ауылының маңында еріген сулардың егістіктен келуімен байланысты Жарлыкөл көлінің су деңгейі көтерілді. Салдарынан жеке тұрғын үйлерді су басу қаупі туындады, – деп хабарлайды Aikyn.kz.
Құтқарушылар инертті материалдары бар 5 мыңнан астам қапшықтарды төседі. Бөгеттің денесі нығайтылып, өнімділігі жоғары су сору стансалары орнатылды.
– ТЖМ, ЖАО, ТЖМ 55209 ә/б әскери қызметшілерінің жедел іс-қимылдарының арқасында жеке тұрғын үйлерді су басудың алдын алды. Қазіргі уақытта жағдай тұрақты, – делінген ақпаратта.