Оңтүстік Кореяда мерзімінен бұрын президент сайлауы биыл 3 маусымда өтетін болды, – деп хабарлайды Aikyn.kz 24k-ке сілтеме жасап.
Бұған елдің бұрынғы президенті Юн Сок Ёльдің қызметінен шеттетілуі себеп болып отыр.
Былтыр желтоқсанда мемлекет басшысы елде бірнеше сағатқа әскери жағдай енгізіп, бұл әрекеті бүлікке теңелген еді. 4 сәуірде конституциялық сот істі қарай келе Юн Сок Ёльге осы шешімі үшін импичмент жариялады. Жергілікті заңға сәйкес, енді 2 ай ішінде сайлау өтуі керек.
Сарапшылар алдағы додада оппозиция жетекшісі Ли Чжэ Мённің жеңіске жетуге мүмкіндігі мол дейді. Ол 3 жыл бұрынғы сайлауда Юн Сок Ёльден 1 пайызға аз дауыс жинап, жеңіліп қалған еді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.