Былтыр Түркістан облысына қарасты Сайрам ауданының тұрғыны бұрынғы әйелінің үйіне баса көктеп кіріп, балаларын көрсетпей жүргені үшін мойнына пышақ тақап, өлтіремін деп қорқытқан, – деп хабарлайды Aikyn.kz.
Аталған азамат бұған дейін сотты болған, әйелімен лудоманиямен ауырғанына байланысты ажырасқан.
Күдікті жәбірленушінің туыстары мен құқық қорғау қызметкерлерінің ескертулерін тыңдамай, оны пышақпен қорқытып, аулада тұрған автокөлікті әйелге басқартып, ол жерден бой тасалаған.
Сол күні арнайы шара жүргізу барысында күдікті Шымкент қаласында ұсталып, жәбірленуші кепілден босатылды.
Сот барысында прокурор ер адамды бас бостандығынан айыру жазасын тағайындауды сұрады.
Сот жоғарыда аталған мән-жайларды ескере отырып, алдыңғы үкім бойынша өтелмеген 3 жыл 6 ай бас бостандығын шектеу жазасын ішінара қосып, түпкілікті 9 жыл мерзімге бас бостандығынан айыру жазасын тағайындады.
Сот үкімі заңды күшіне енген.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.