Экрем Имамоғлы 23 наурыздан сыбайлас жемқорлық пен терроризмге қатысты ресми айып тағылған соң Ыстамбұлдың батысындағы Силиври түрмесінде отыр.
Алайда қазіргі сот ісі бөлек қаралып жатыр және онда Имамоғлының Ыстамбұл прокуроры Акин Гюрлекке қоқан-лоқы жасады деген болжам айтылды.
Айыптаулар Түркияның ең ірі қаласы әкімінің Гюрлекті басқа оппозиция өкілдеріне қарсы қозғалған қылмыстық істері үшін сынаған сөздерінен туындап отыр.
«Мен Ыстамбұлда үш рет сайлауда жеңіске жеткендіктен осы жерде отырмын. «Кім Ыстамбұлда жеңіске жетсе, Түркияда да жеңіске жетеді» деген пікірді жоққа шығарғаным үшін осы жерде отырмын. Соңғысы өзінің үлкен саяси мансабын Ыстамбұл мэрі ретінде бастаған ел президенті Режеп Тайып Ердоғанға нақты ишара болды», – деді Имамоғлы.
Тыңдауға Имамоғлының әйелі мен ұлы, сондай-ақ Республикалық халық партиясы (CHP), Halk TV және басқа да ақпарат құралдары қатысты.
Істі қайта қарау 16 маусымға шегерілді.
Имамоғлы алғашында 19 наурызда екі тергеуге байланысты ұсталған болатын: бірі Ыстамбұл муниципалитетіндегі сыбайлас жемқорлыққа қатысты, екіншісі күрдтерді қолдайтын саясаткерлермен өз партиясының сайлау келісіміндегі терроризмге қатысы бар.
Оның босатылуын талап еткен шерулер 2000-ға жуық адамның қамауға алынуына әкелді.
Қамауда болған кезде әкім ресми түрде ЖЭО президенттігіне кандидат ретінде ұсынылды.
Сайлау 2028 жылы өтеді, бірақ ертерек өтуі мүмкін және Имамоғлының түрмеге қамалуының саяси астары бар делінген. Алайда түрік үкіметі сот жүйесі тәуелсіз және саяси ықпалдан азат екенін алға тартады.
Сондай-ақ жұма күні Ыстамбұлдың тағы екі сотында Имамоғлыға қатысты іс бойынша тыңдау өтті. Соның бірі – 10 жыл бұрын Ыстамбұлдың Бейликдузу ауданының мэрі болған кездегі тендерді бұрмалау ісі.
Тағы бірінде заңсыз ақша жинау туралы айыптар бар. Бұл өткен жылғы жергілікті сайлау қарсаңында таратылған видеода ЖЭО офицерлерінің қолма-қол ақшаны санап жатқаны көрсетілген.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.