"Қазгидромет" синоптиктері 24, 25 және 26 сәуірге арналған ауа райы болжамын жариялады, – деп хабарлайды Aikyn.kz.
Мамандардың айтуынша, алдағы үш күнде Қазақстанның басым бөлігі антициклон жотасының ықпалында болады. Соған байланысты жауын-шашынсыз ауа райы күтіледі. Түнгі уақытта республиканың солтүстік және шығыс аймағында 1-3 градус үсік жүруі ықтимал.
Ал батыс және солтүстік-батыс облыстарда циклон мен атмосфералық фронттардың әсерінен ауа райы тұрақсыз болып, соның әсерінен жаңбыр, найзағай, бұршақ жаууы мүмкін.
Еу аумағы бойынша желдің күшейіп, оңтүстік пен оңтүстік-батыста құмды дауыл, ал оңтүстік-шығыстың таулы аймақтарында тұман түседі.
24 сәуір түнде Қостанай, Ақмола және Солтүстік Қазақстан облыстарында үсік жүріп, ауа температурасы 1-3 градусқа дейін төмендеуі мүмкін.
24-25 сәуір аралығында Павлодар облысында, 25 сәуірде Қарағанды облысында күн суытады.
25-26 сәуір түнде Шығыс Қазақстан және Абай облыстарында 1-6 градусқа дейін үсік жүру мүмкін деп күтілуде.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.