Қарағандыда коронавирус инфекциясын жұқтырғандардың Минскіден ұшып келген жолаушылар екені анықталды, - деп мәлімдеді Денсаулық сақтау министрлігінің ресми өкілі Диас Ахметшәріп Facebook желісінде тікелей эфирде.
"Қарағандыда екі адам жұқтырған. Олар Минск-Қарағанды 0324 рейсінің жолаушылары. Біріншісі 1971 жылғы, ал екіншісі 1972 жылғы. Алматыда үш адам - 1982 және 1979 жылғы келіншектер жұқтырды, олар Берлиннен ұшып келген, 1997 жылғы ер адам Франциядан келген", - деді Ахметшәріп.
Еске сала кетейік, бұған дейін Қазақстанда 5 адам коронавирус жұқтырғанын айтқан болатынбыз.
