Қостанай қаласына Египет мемлекетінен Шарм-эль-Шейх – Қостанай бағыты бойынша рейс ұшып келді, - деп хабарлады облыстық тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.
Ұшақ бортында барлығы 237 жолаушы және 7 экипаж мүшесі болған. Оның 152-і – Ресей Федерациясының, 1 – Украина, 84 – Қазақстан азаматы. Келген жолаушыларды полиция қызметкерлері, эпидемиологтар және жедел жәрдем қызметкерлері бірге қарсы алды. Содан кейін ресейліктер Ресей Федерациясының шекарасына дейін жеткізілді. Елдің 84 азаматы медициналық қызметкерлердің бақылауына алынды.
«Қостанай облысында короновирус инфекциясын жұқтырған адамдар жоқ. Жолаушылардың жағдайы бірқалыпты. Бүгінде облыста 39 адам ауруханаға жатқызылды, карантинде 24 адам бар», – делінген хабарламада.
