Қазгидромет метеорологиялық жағдайға қатысты болжамын жариялады, – деп хабарлайды Aikyn.kz.
Синоптиктердің болжамы бойынша, ертең жеті қалада ауа сапасы төмендейді.
«2026 жылғы 8 қаңтарда Қарағанды, Теміртау, Балқаш, Жезқазған, Ақтөбе, Алматы қалаларында, түнде Астана ауаның ластануының қолайсыз метеорологиялық жағдайлары күтіледі», - делінген хабарламада.
Қазгидромет болжамынша, бейсенбі күні ел аумағының басым бөлігінде жауын-шашын жаумайды. Республиканың көп бөлігі антициклонның ықпалында болады, соған байланысты негізінен жауын-шашынсыз ауа райы қалыптасады.
Ал елдің солтүстік-батысы мен шығысында атмосфералық фронттардың өтуіне байланысты қар жауып, боран соғады деп болжанып отыр.
Сондай-ақ республика бойынша тұман түсіп, жел күшейеді. Батыс, солтүстік-батыс және оңтүстік-шығыс өңірлерде көктайғақ болуы мүмкін.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.