Қазақстанның халық әртісі, белгілі әнші Роза Рымбаева Instagram желісінде марқұм жұбайы – талантты музыкант Тасқын Оқаповпен бірге түскен сирек суреттерді бөлісті, – деп хабарлайды Aikyn.kz сайты.
Бірінші суретте Роза Рымбаева мен Тасқын Оқапов неке қию рәсімі кезінде бейнеленген. Р.Рымбаева ақ сәукелелі әдемі көйлек кисе, Т.Оқапов классикалық қара костюмде. Бұл кадрдан сол сәттің салтанаты мен толқынысы анық сезіледі.
Постқа әнші жүрек тебірентерлік жол жазып қалдырған:
"Жан жүрегім елжіреп, сағынғанда... Бір сен едің аңсаған таңым алда…"
Екінші фотосуретте ерлі-зайыпты диванда қатар отырып, жылы әрі жайлы отбасылық атмосфераны көрсетеді. Үй ішіндегі тыныштық пен махаббатқа толы сәт көрініп тұр.