Орал қаласында Қылмыстық-атқару жүйесінің мекемесінде пошта жөнелтілімдерін тексеру кезінде сотталған азаматтарға жолданған есірткі зат анықталды, – деп хабарлайды Aikyn.kz сайты.
Жоспарлы тексеру шеңберінде сәлемдемелер мен бандерольдерді тексеру барысында ҚР ІІМ Ұлттық ұланы 5517 әскери бөлімінің кинолог-маманы ефрейтор Аманай Бақтығалидың жетекшілігімен "Детектив" есімді қызметтік ит қолданылды.
Тінту кезінде ол сәлемдемелердің біріне тоқталып, белгі бергендіктен, дереу жедел-тергеу тобы шақырылған.
Табылған материал оның құрамын анықтау үшін сот-химиялық сараптамаға жіберілді.
Қазіргі уақытта осы факт бойынша қажетті шаралар жүргізілуде. Қылмыстық-атқару жүйесі мекемелерінің аумағына тыйым салынған заттарды өткізу әрекеттерінің жолын кесу жөніндегі жұмыс тұрақты негізде жалғасуда.