Ұлттық банктің мәліметінше, маусым айында Қазақстандағы айырбастау пункттерінде АҚШ долларына деген таза сұраныс 1,9 есеге артып, 126,5 миллиард теңгені құрады, – деп хабарлайды Aikyn.kz сайты.
Таза сатып алу – айырбастау пункттерінде халық сатып алған және сатқан валюта көлемінің айырмасы.
Маусым қорытындысы бойынша қазақстандықтардың долларды таза сатып алу көлемі мамырмен салыстырғанда 94%-ға, ал өткен жылдың сәйкес кезеңімен салыстырғанда 15,6%-ға өскен.
Сонымен қатар, маусымда қазақстандықтар ресейлік рубльді сатуды жалғастырды. Алайда бұл үрдістің қарқыны алдыңғы екі айға қарағанда бәсеңдеген. Маусымдағы рубльдің таза сатылымы 17,5 миллиард теңгені құрады. Бұл мамырмен салыстырғанда 42%-ға, ал сәуірмен салыстырғанда 57%-ға аз.