Оңтүстік Кореяның Кунсан қаласында спорттық құзға өрмелеуден Азия кубогының кезеңі аяқталды, – деп хабарлайды Aikyn.kz.
Аталған жарыста Қазақстан құрамасының спортшылары «жылдамдық» және «боулдеринг» сайысында бақ сынады.
Әйелдер арасындағы «жылдамдық» сайысында Анна Баларшина жетінші орынға ие болды. Ал Арина Новицкая 17-орынға тұрақтады. Ерлер арасында Жандос Қалыбай 17-орынға табан тіреді.
ҚР ҰОК мәліметінше, «Боулдеринг» сайысында Азат Майкотов 29-орын, Вадим Ишмухаметов 36-орын, Матвей Есипов 37-орын, Глеб Семешкин 39-орынға тұрақтады. Әйелдер арасында Айханым Айдарханқызы 19-орын, Полина Андреева 30-орын, Виктория Адаменко 35-орынға жайғасты.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.