Президент жаһандық бәсекелестік қызған кезеңде қол жеткізген жетістіктермен шектелмей, білім мен ғылымның нақты сапасына басымдық беру қажеттігін ерекше атап өтті.
Тоқаев: Біздің стратегиялық мақсатымыз – Қазақстанды Орталық Азияның академиялық хабына айналдыру
Фото: Ақорда
127
оқылды

Мемлекет басшысы Қасым-Жомарт Тоқаев отандық жоғары оқу орындарының беделді халықаралық рейтингтердегі табыстарына тоқталып, Қазақстанды Орталық Азиядағы академиялық хабқа айналдырудың стратегиялық міндеттерін айқындады, – деп хабарлайды Aikyn.kz Ақордаға сілтеме жасап.

Президент: «Біздің стратегиялық мақсатымыз – елімізді Орталық Азиядағы академиялық хабқа айналдыру»
«Біз кейінгі уақытта қол жеткізген бірқатар жетістігімізді мақтан тұтамыз.
Мәселен, 18 университетіміз биылғы QS World University Rankings тізіміне енді.
Сонымен қатар Қазақстанның 10 жоғары оқу орны 2027 жылғы Times Higher Education рейтингіне қосылды.
2026 жылғы Жаһандық инновация индексінде Қазақстан аймақ елдері арасында ең жоғары көрсеткішпен көш бастап, орнықты өсім көрсетіп келеді. Алайда жаһандық бәсекелестік қызған кезеңде бізге арқаны кеңге салуға болмайды.
Қазақстан жоғары білімнің, ғылымның және халықаралық академиялық ынтымақтастықтың өңірлік орталығы ретіндегі позициясын дәйекті түрде нығайтуды көздейді.
Біздің стратегиялық мақсатымыз – елімізді Орталық Азиядағы академиялық хабқа айналдыру, жаһандық білім нарығының, әсіресе, өзекті әрі сапалы білім нарығының бір бөлігі болу.
Ғылым мен білімде жаттандылыққа, формализмге жол беруге, сайып келгенде, өзіңді алдауға болмайды».

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.