Алматыда үйден өрт шығып, екі адам оқиға орнында қаза болды.
Кеше қаладағы Медеу ауданында болған. Өрт сөндіру қызметіне Сазановская көшесіндегі №68 үйдің жанып жатқаны жөнінде хабар сағат 21:08-де түскен.
«Өрт сөндіру бөлімі өрт шыққан жерден 1,5 км қашықтықта орналасқан. Сондықтан алғашқы бригада 5 минутта жетті. Осы уақытта өрт үйді түгел шарпыған.
Құтқарушылар жанып жатқан үйден екі адамды алып шықты. Олар 1998 жылы туған ер адам және 1989 жылы туған әйел адам»,– деп хабарлайды қалалық ТЖД баспасөз қызметі.
Екеуін де дәрігерлер қарағанымен, аман алып қалу мүмкін болмады. Өрт 15 минут ішінде сөндірілді. Қызыл жалын 60 шаршы метр аумақты шарпыған. Қызыл жалынды ауыздықтауға 21 өрт сөндіруші мен 4 техника жұмылдырылды.
