Әнші Димаш Құдайберген коронавирус пандемиясына қарсы күреске ән арнады.
Димаштың «We Are One» («Біз біргеміз») атты жаңа әніне түсірілген бейнебаян «ВКонтакте» әлеуметтік желісіндегі «Синьхуа жаңалықтары| Xinhua News» парақшасында жарияланды. Бейнебаянда вирустың алғашқы ошағы – Ухань қаласы – дәрігерлер, волонтерлер, маска таққан адамдар, гуманитарлық көмектің қабылдануы, дүкеннің бос қалған сөрелері көрсетіледі.
https://youtu.be/QysSLI2aHvM
Видеода аспандағы бұлт сейіліп, дәрігерлердің қуанышы, маскасын шешіп, мәз-мейрам болған балалар көрсетілген.
«Бүкіл әлем коронавируспен күресіп, басынан қиын күндерді өткізіп жатыр. Ауруға қарсы күш біріктіріп, бір-бірімізге қол ұшын созғанда ғана COVID-19-ды жеңе аламыз. Бұл ән алдыңғы шепте жүрген дәрігерлер мен оқшауланып отырғандарға арналады» делінген бейнебаян сипаттамасында.
Айта кетейік, We Are One әнінің сөзін Gao Shang/Shang Yang, ал әуенін Dong Nan/Tang Yi жазған.
Ескерте кетейік, Димаш жаңа әні туралы өзінің Instagram-парақшасынды әлі жарияламаған.
