Елордадағы аурухана 12 күнде салынып бітті
![Елордадағы аурухана 12 күнде салынып бітті]()
©Айтжан Мурзанов
3 сәуірде Төтенше жағдай режимін қамтамасыз ету жөніндегі мемлекеттік комиссия Қазақстанның үш ірі қаласында жұқпалы аурулар ауруханасын салуды шешкен.
[caption id="attachment_36621" align="alignnone" width="1024"]
© Сурет Айтжан Мұрзанов[/caption]
Тіпті оның құрылысына тез тұрғызатын құрылыс материалдары қолданылатын болған.
Төтенше жағдай кезінде науқастарды қабылдайтын 200 орынды госпитальдің құрылысы Нұр-Сұлтандағы туберкулезге қарсы диспансер маңында 5 сәуірде басталды.
[caption id="attachment_36625" align="alignnone" width="1024"]
© Сурет Айтжан Мұрзанов[/caption]
«BI Group» құрылыс компаниясы бұл нысанды 12 күнде бітіруді жоспарлаған. Ол мақсат та орындалды. 17 сәуір күні құрылыс аяқталды.
© Сурет Айтжан Мұрзанов
– Белгіленген межені орындадық. Ендігі жұмыс дәрігерлерде. Ол жерге құрылғылар қойылып, тексеріліп, аурухананың әкімшілік жұмысы реттелуі тиіс, – дейді баспасөз тобының басшысы Юрий Дорохов.
[caption id="attachment_36629" align="alignnone" width="1024"]
© Сурет Айтжан Мұрзанов[/caption]
Ғимарат негізі 25 сәуірде өткізіледі.
[caption id="attachment_36630" align="alignnone" width="1024"]
© Сурет Айтжан Мұрзанов[/caption]
Оның айтуынша, жазық далада қысқа мерзім ішінде емхана тұрғызу оңай емес. Бір қабатты аурухана 7006 шаршы метрді алып жатыр. Оның ішінде интенсивті терапияға 20 орын бекітілген.
[caption id="attachment_36632" align="alignnone" width="1024"]
© Сурет Айтжан Мұрзанов[/caption]
Арнайы зертхана, компьютерлік томография, рентгендік кабинеттермен жасақталған. Ғимарат темірбетоннан соғылды. Темірбетон неміс технологиясы бойынша елордадағы Modex компаниясы дайындаған.
[caption id="attachment_36633" align="alignnone" width="1024"]
© Сурет Айтжан Мұрзанов[/caption]
Бұл дегеніміз – модуль қалыпқа құйылып, бірден құрылысқа жеткізіледі. Міне, сол жерден орнатып отырған. Ондағы есік-терезелер – герметикалық, ауа өткізбейді. Арнайы Беларусиядан жеткізілді.
[caption id="attachment_36640" align="alignnone" width="1024"]
© Сурет Айтжан Мұрзанов[/caption]
Әр палатаның өз әжетханасы бар. Ғимараттың ішін медициналық газ жүйесімен жабдықталып, әрқашан зарарсыздандыру режимі сақталады.
[caption id="attachment_36642" align="alignnone" width="1024"]
© Сурет Айтжан Мұрзанов[/caption]
Құрылыс дамылсыз тәулік бойы үш ауысыммен жүрген. Бір ауысымның өзінде 500-ге жуық адам жұмыс істеп жатыр. Құрылысқа барлығы 1300-ге жуық адам және 100-дей техника атсалысуда.
[caption id="attachment_36646" align="alignnone" width="1024"]
© Сурет Айтжан Мұрзанов[/caption]
– Күні-түні жұмыс істеп жатырмыз. Ауысыммен істеуге де болады. Ақымыз күнбе күн жүріп жатқан соң, оған ауыспадым. Оның үстіне елімізге тез арада аурухана керек, – деген құрылысшы Авзор Жүнісов коронавирустың кесірінен үйде бос қалмай, құрылыста жүргеніне қуанышты.
[caption id="attachment_36648" align="alignnone" width="1024"]
© Сурет Айтжан Мұрзанов[/caption]
Пандемия өткеннен кейін де бұл аурухананы алдағы онжылдықтарда инфекциялы ауруларды емдейтін емхана ретінде пайдалана беруге болады екен.
– Басқа инфекциалы-жұқпалы ауруханалардан артықшылығы – оның желдету жүйесінің өзі микроағзаларды, әсіресе, вирус пен бактерияны 99,99 пайызға жояды. Арнайы ауаны сүзу құрылғысы медицина қызметкерлерінің ауруды жұқтыру ықтималдығын азайта түседі. Жалпы, ғимарат ДДҰ-ның белгілеген соңғы стандарттың бәрін ескердік Оның құрылысын ЕвроДДҰ-ның директоры Ханс Клюг қолдаған, – деді Юрий Дорохов.
Сонымен қатар «BI Group» осындай жобаны Алматы мен Шымкентте де қолға алған. Олар да қысқа уақыт ішінде салынып бітуде.
