АҚШ-тың Вашингтон штатында коронавирус кештері өтіп жүр. Онда адамдар көңіл көтеру үшін және ең бастысы COVID-19 жұқтыруға жиналады. Бұл туралы Tech Times басылымы жазды.
Осындай кештерге баратын адамдар вирусқа қарсы иммунитетін жылдам қалыптастыру үшін инфекция жұқтыруға үміттенетін көрінеді. Сол үшін кешке коронавирус тасымалдаушылары шақырылады. Ал басқа қонақтар олармен қарым-қатынас орнатуға тырысады. Басылым мәліметінше, осындай кештердің бірінде болған екі адамнан коронавирус анықталған. Алайда оларды ауруханаға жатқызбаған, себебі науқастарда ауру белгілері жоқ. Коронавирус жұқтырғаннан кейін иммунитет қалыптасады дегенге сенетіндердің арасында Мадонна да бар. Әнші оның антиденелері кез келген инфекцияны жеңе алатынына сенімді. Ал ғалымдар бұл тұжырымның дәлелденбегін айтуда.
