«Электронды үкімет» порталында жүргізуші куәліктерін беру бойынша көрсетілетін қызмет жетілдірілді, деп хабарлайды «Ұлттық ақпараттық технологиялар» АҚ баспасөз қызметі.
«Енді оны мерзімі өткен, тегін, атын және әкесінің атын ауыстырған, құжатты жоғалтқан немесе ұрлатып алған кезде пайдалануға болады. Көрсетілетін қызметті жеке тұлғалар пайдалана алады», делінген хабарламада. Нәтижесінде өтнішін берушіге жүргізуші куәлігі дайындалып жатқаны жөнінде хабарлама келеді
«Біз тұрақты және тәулік бойы мониторинг жүргізіп, кері байланыс жасаймыз. Азаматтардан келіп түсетін барлық ұсыныс жеке жағдай (кейс) ретінде қаралады және пысықталады. Бұл онлайн режимде Мемлекеттік көрсетілетін қызметтерді алу процесін жақсартуға және жеңілдетуге ықпал етеді», - деп түсіндірді «ҰАТ» АҚ Басқарма төрағасы Әсет Тұрысов.
Көрсетілетін қызметті алу үшін eGov.kz порталына кіру керек, «Көлік және коммуникация» қосымша бетін таңдау. «Автомобиль көлігі» бөлімінде «Жүргізуші куәліктерін беру» көрсетілетін қызметін таңдау қажет. Бұдан әрі порталда авторлану және «Көрсетілетін қызметке онлайн тапсырыс беру» батырмасы бойынша өту керек. Барлық міндетті жолдар толтырылып, фотосурет және қол қою үлгісін жүктеледі. 1,25 АЕК мөлшерінде төлем жасалып, ЭЦҚ көмегімен қызметке қол қою қажет.
«Тегін, атын және әкесінің атын өзгерту» жолын таңдаған кезде тегін, атын, әкесінің атын ауыстыру туралы куәлікті жүктеу қажет. Іс-әрекет ету мерзімі өткеннен кейін 083-У медициналық анықтаманы, жоғалған немесе ұрланған жағдайда ҚР ІІМ талабына сәйкес толтырылған аудандық полиция басқармасының анықтамасын тіркеу қажет.
Көрсетілетін қызмет ҚР ІІМ әкімшілік полиция комитетімен бірге жетілдірілген.
