Қазгидромет 30 мамыр – 1 маусымға арналған ауа райы болжамын жариялады, деп хабарлайды "Қазгидромет" РМК.
«Скандинавия түбегінен жылжыған антициклон Қазақстан аумағына температураның аздаған төмендеуіне алып келеді. Жаздың басында ауа температураның жоғарылауы күтілуде. Тек солтүстік бөліктің кей жерлерінде атмосфералық фронтальды бөліктердің өтуіне байланысты күн күркіреп, өткінші жаңбыр жауады. Ал оңтүстікте Иран аудандарынан жылы ауа массаларымен ыстық және құрғақ ауа райы сақталады. Кей жерлерде жел күшейіп, оңтүстікте шаңды дауыл соғады», - делінген хабарламада.
