Елордада және бірқатар облыста ауа райына байланысты ескерту жарияланды, деп хабарлайды «Қазгидромет» РМК.
Ақмола облысында 17 маусымда найзағай ойнап, бұршақ жауады. Солтүстік-шығыстан, солтүстіктен жылдамдығы 15-20 м/с жел соғады. Облыстың басым бөлігінде өрт тұтану қаупі бар.
Нұр-Сұлтан қаласында 17 маусымда найзағай ойнап, солтүстіктен екпіні 15-18 м/с жел соғады. Ескертудің ықтималдығы 85-90%.
Солтүстік Қазақстан облысында 17-18 маусымда түнде және таңертең кей жерлерге тұман түседі. Найзағай ойнап, батыстан соққан желдің бағыты солтүстікке ауысып, жылдамдығы 15-20 м/с болуы ықтимал. Петропавлда 17-18 маусымда батыстан соққан желдің бағыты солтүстікке ауысып, жылдамдығы 15-20 м/с болуы мүмкін. Ескертудің ықтималдығы 90-95%.
Қарағанды облысында 17 маусымда найзағай ойнап, дауыл соғады және бұршақ жауады. Солтүстік-шығыс, солтүстіктен соққан желдің екпіні 15-20 м/с болады. Қарағандыда түнде күн күркіреп, солтүстік-шығыс, солтүстіктен жылдамдығы 15 м/с жел соғады. Ескертудің ықтималдығы 75-80%.
Шығыс Қазақстан облысының кей жерлерінде 17 маусымда найзағай ойнайды. Күндіз бұршақ жаууы мүмкін. Солтүстік-шығыс, шығыстан соққан желдің екпіні 15-20 м/с болады.
17 маусым күндіз Қостанай облысында күн күркірейді. Солтүстік-батыс, батыстан соққан желдің екпіні 18 м/с-ке жетеді. Ескертудің ықтималдығы 90-95%.
