Биік өскен ағаштар мен бұтақтарының сынып құлауынан электр желілері үзіліп, 9138 абонент жарықсыз қалған. ШҚ АЭК бес апаттық бригадасы қалада үзіліссіз жұмыс істеп, бүгін сағат алтыға дейін жарықсыз қалған тұрғындар санын 700-ге дейін қысқартты.
Айта кетейік, бұрын-соңды болмаған дүлей дауыл сындырған бұтақтар мен терезе сынықтарынан түрлі жарақаттар алған 7 адам қалалық ауруханаға жүгінген. Бір тұрғын ауруханаға жатқызылса, қалған алтауы тиісті дәрігерлік көмек көрсетілген соң, үйлеріне қайтарылған.
Қазір қалада жергілікті атқарушы органдардың комиссиясы жұмыс істеп жатыр. Олар ғимараттардың бүліну дәрежесі мен санын анықтауда.
https://www.youtube.com/watch?v=tfPAfXAVHaI&feature=youtu.be
Дәурен Аллабергенұлы,
Шығыс Қазақстан