Қазақстандық боксшы Геннадий Головкиннің ағасы Максим елордадағы жол апатына кінәлі болғаны үшін сот алдында жауап береді, - деп жазады BaigeNews.kz.
Полицейлер әкімшілік істі ауданааралық сотқа жолдады. 26 тамызда істі судья Қанат Иманғалиев қарайды.
Куәгерлердің айтуынша, мемлекеттік нөмірі 001 GGG 01 BMW X7 көлігін тізгіндеген Максим Головкин елордада “Камри-70” көлігін соғып кеткен. Оның жүргізушісі Нұр-Сұлтан қаласының Құқықтық статистика және арнайы есеп комитеті басқармасы прокуроры Қуаныш Монолбаев болған.
Оқиға орнынан түсірілген сурет әлеуметтік желіде тарады.
