"Қазгидромет" РМК 8-10 қазанға арналған ауа райы болжамын жариялады.
"Еліміздің солтүстік және шығыс жартысында жаңбырдың арты қарға ұласуын тудырған Солтүстік циклон Қазақстан аумағының басым бөлігіне өз ықпалын тигізуді жалғастырады. Мұнда жауын-шашын, тұман, көктайғақ, екпінді жел сақталады. Алайда, циклонның артына кезекті антициклон жылжып келеді, онымен жауын-шашынның тоқтауы және еліміздің көптеген облыстарында ауа температурасының төмендеуі күтіледі. Тек батыста күздегідей жылы ауа райы күтіледі",- делінген хабарламада.
