Қазақстандық әншінің өнерін тамашалауға келгендер көп болды. Көптен күткен кездесу эмоцияға толы өтті, - деп жазады dimashnews.com.
5 желтоқсанда Мәскеудегі ВТБ аренада "Жыл әні" дәстүрлі концерті өтті. Өткен ғасырдың 70 жылдарында аңызға айналған фестиваль бұл жолы барлық әншілер мен олардың жанкүйерлері үшін үлкен және көптен күткен мерекеге айналды. Бұл коронавирус пандемиясына байланысты карантиннен бері Ресейде өткен алғашқы ауқымды концерт.
Кеште Димаш «Там, где живет любовь», «Your Love» және «Я скучаю по тебе» деген үш әнді орындады. Әнші мен оның тыңдармандары бір-бірін қатты сағынғаны анық байқалды.
Қазақстандық әнші ұзақ үзілістен кейін тыңдармандардың алдында өзін таныстырып, бұрын-соңды болмаған күш-жігерді сезінді.
«Қазір мен ерекше эйфорияда тұрмын. Мен 9 айдан бері сахнаға шықпадым, сондықтан көпшілік алдында тағы да өнер көрсеткеніме өте қуаныштымын, әсіресе осы қиын кезеңде мені қолдауға келгендеріңіз үшін рахмет. Мен сіздерді өте жақсы көремін!», - деді ол.
