Жазатайым оқиға салдарынан 16 жастағы бозбала көз жұмды.
Полиция департаментінің мәліметінше, 8 сәуір күні сағат 11:00-де Есіл аудандық полиция бөліміне аурухана фельдшері хабарласып, ауруханаға жеткізілген жасөспірімнің қайтыс болғанын айтқан.
«Анықталғандай, Есіл қаласының 16 жастағы тұрғыны, 1-курс студентінің үстіне Есіл қаласының №7 агротехникалық колледжінің аумағынан тыс жерде орналасқан көкөніс қоймасына кіреберістегі шатырдан (күнқағардан) бетон плита құлаған. Тергеу басталды», – дейді ПД өкілі.
