Қазақстанда коронавирусқа қарсы жаппай вакциналау басталды. Әзірге қарқыны жаман емес. Алайда денсаулық сақтау министрі Алексей Цой халықты не күтіп тұрғаны жөнінде пікір білдірді.
– Алдағы күндері, тіпті бір айда жағдайдың өзгеретінін күтудің қажеті жоқ. Азаматтардың негізгі бөлігі 2-3 ай ішінде вакциналанғаннан кейін бізде эпидемиологиялық жағдайдың саябырсуы мүмкін. Вакцинация, әрине, өз әсерін береді. Бірақ бұл ұжымдық иммунитет пайда болған кезде, шамамен күзге жақын болады. Аурудың бетін қайтарғымыз келсе, баршасына мәлім қарапайым ережелерді сақтау керек.
Өкінішке қарай, оны бәрі бірдей орындай бермейді. Маска тағу, адам көп жиналатын жерлерден аулақ болу, жаппай іс-шараларға қатысудан бас тарту және т.б. талаптар орындалмай жатыр. Біз толық локдаунға, қалаларды жабу сияқты жағымсыз шараларға қайта жүгінгіміз келмейді.
Радикалды шаралар әрдайым тиімді және оларға оралу арқылы біз жағдайды тезірек өзгертеміз. Бірақ бизнестің және жалпы экономиканың мүдделерін ескере отырып, айтарлықтай зардап шеккен, инфекцияның берілу тізбегін ішінара бұзуға мүмкіндік беретін балансты тапқандаймыз. Алайда, оның әсері толық локдауннан гөрі баяу сезіледі, – дейді ол.