Бұл туралы "Азаматтарға арналған үкімет" мемлекеттік корпорациясы хабарлады.
Жаңа қызмет мемлекеттік корпорацияның бастамасымен енгізілді. Әділет министрлігі жылжымайтын мүлікке құқықтарды тіркеу ережелеріне өзгерістер енгізді. Енді нотариус жасаған жылжымайтын мүлікке құқықтарды тіркеу туралы мәміледен кейін клиент қосымша нәтиже ала алады. Ережеге енгізілген өзгерістер 2021 жылдың 17 қыркүйегінде күшіне енеді.
Қазір нотариусқа жүгінген клиенттерге құқықтық кадастрдың ақпараттық жүйесінде жылжымайтын мүлікке құқықтарды тіркегені үшін төлемді растауды алған күннен кейінгі бір жұмыс күнінен кешіктірмей нәтижелер беріледі. Бұл көбінесе банктерге ипотекаға, несиеге, кепілге және басқа да қажеттіліктерге өтініш білдірген клиенттердің мүлкін құжаттандыру процесін кешіктіруі мүмкін.
"Қызметтерді көрсету уақытын қысқарту әкімшілік кедергілер мен сыбайлас жемқорлық тәуекелдерін жоюға мүмкіндік береді. Біз процесті жеделдету үшін азаматтар құқықбұзушылықтарға әкелуі мүмкін әр түрлі саңылауларды іздегенін жоққа шығармаймыз. Бұл өзгерістер олардың қызметіне айтарлықтай әсер етеді", - дейді мемлекеттік корпорацияның басқарма басшысы Әділ Қожихов.