Polisia.kz-тің жазуынша, өзгенің жылқысын мылтықпен атқан ер адам ұсталды.
Түлкібас аудандық ПБ-ға ауыл тұрғыны арызданды. Жәбірленуші үш жылқысы ауыр жараланғанына шағымданған. Шығын көлемі – 2 миллион теңге.
Полицейлер фактіні ҚК-нің 389-бабы (Өзінше билік ету) бойынша СДТБТ-ға тіркеді.
Тексеру нәтижесінде, полицейлер 3 жылқыға оқ атты деген күдікпен Шымкент қаласының тұрғынын ұстады. Одан аңшы мылтығын тәркіледі.
Жылқылар күдіктінің алма бағына кіріп кетіп, едәуір шығын келтірген. Сотқа дейінгі тергеу жүргізіліп жатыр.
